Guidetrip.info
Lifestyle / Travel

រមណីយដ្ឋានថ្មីៗស្ថិតនៅក្នុងខេត្តកំពត

March 11, 2019
រមណីយដ្ឋានថ្មីៗស្ថិតនៅក្នុងខេត្តកំពត

ក្រុមការងារ​ GuideTrip​ សូមអនុញ្ញាតណែនាំនូវរមណីយដ្ឋានថ្មីៗមួយចំនួន​នៅឯខេត្តកំពតមកចែកជូនភ្ញៀវទេសចរ ពីព្រោះភ្ញៀវទេសចរភាគច្រើនដែលបានធ្វើដំណើរទៅលេងខេត្ដកំពត គ្មានអ្វីក្រៅទៅទស្សនា  លំហែអារម្មណ៏ នៅឆ្នេរកែប ផ្សារក្ដាម និងភ្នំបូកគោឡើយ។ 
ដូចច្នេះហើយថ្ងៃនេះក្រុមការងារយើងខ្ញុំ សុំលើករមណីយដ្ឋាន ចំនួន ៥ ដែលនៅខេត្ដកំពត​ មកបង្ហាញ​។

១. ឧទ្យានដងព្រែក​
ចំពោះទីតាំងវិញ សម្រាប់អ្នកធ្វើដំណើរ ពីភ្នំពេញ បន្ទាប់ពីឆ្លងស្ពានរួច បត់ស្ដាំតាម ផ្លូវទឹកឈូរ ពីស្ពានទៅចម្ងាយប្រហែល ៧.៥គម។ 
នៅ ឧទ្យានដងព្រែក លោកអ្នកអាច ជួលខ្យូស ដើម្បីអង្គុយ លំហែអារម្មណ៏ស្រូបយកខ្យល់បរិសុទ្ធ ជិះខ្សែររ៉ត និងអុំទូក លេងកំសាន្ដជាដើម។ ចំពោះអាហារវិញ ភ្ញៀវទេសចរអាចទិញពីខាងក្រៅទៅ ឬ​ កម្មង់ពីទីនោះផ្ទាល់ក៏បាន។ និយាយពីផ្លូវចូលវិញមានចំការ សាវម៉ាវ, មង្ឈុត និងធុរេនជាដើម។

២. រមណីយដ្ឋាន ដូងទេ
មិនមានអ្វីខុស គ្នាច្រើនទេ ព្រោះថា រមណីយដ្ឋានមួយនេះ ស្ថិតតាមបណ្ដោយ ដងព្រែកកំពត ដូចគ្នាជាមួយ ឧទ្យានដងព្រែកដែរ។ ហើយរមណីយដ្ឋានទាំងពីនេះ មិនឆ្ងាយពីគ្នាទេបើធ្វើដំណើរតាមផ្លូវទឹក តែបើធ្វើដំណើរតាមផ្លូវគោកវិញរៀងឆ្ងាយ បន្ដិចប្រហែល ជា ៣គម ពីដងព្រែក។ 

៣. កាយ៉ាក់ផាក
ទីតាំងកំសាន្ដមួយនេះ ក៏ស្ថិតនៅតាមបណ្ដោយ ព្រែកកំពត ដូចគ្នាជាមួយ រមណីដ្ឋានទាំងពីរដែលបានរាប់រៀបខាងលើដែរ។ ភ្ញៀវទេសចរអាច ជិះទូកលេងកំសាន្ដ, ហែលទឹក,​ គយគន់ទេសភាព, ស្ទូតត្រី និងជិះទូកមើលអំពិលអំពែកពេលយប់។ 
ក្រៅពីនេះទៀត កាយ៉ាក់ផាកក៏មានបន្ទប់ស្នាក់នៅជាប់ មាត់ទឹក និងអាចបោះតង់​ ថែមទៀតផង ។

៤. ស្ពានរថភ្លើង
ងាកមកមើល ស្ពានរត់ភ្លើងវិញ តើមានអ្វីប្លែក? ចម្លើយគឺថា មិនអ្វីប្លែកច្រើនទេ ព្រោះទីនោះមិនមាន កន្លែងសម្រាប់អង្គុយលេង ។ ភ្ញៀវទេសចរដែល ទៅទីនោះ គឺក្នុងគោលបំណងផ្ដិត យករូបទេសភាព,​ ថតរូបជាមួយក្រុមគ្រួសារ ឬ​ មិត្តភក្តិជាដើម។ ប៉ុន្តែសូមប្រុងប្រយ័ត្នពេលមានរត់ភ្លើងឆ្លងកាត់ អ្នកគួរតែចូលកៀន ឬ ត្រឡប់មកផ្លូវជាតិវិញ មុនពេលរត់ភ្លើង មកដល់។

៥. ភ្នំកំពង់ត្រាច
ភ្នំកំពង់ត្រាចបច្ចុប្បន្នជាតំបន់ដែលគេយកធ្វើជាកន្លែងស្ទូឌីយូធម្មជាតិសម្រាប់ថតរូបភាព និងភាពយន្តផ្សេងៗ ហើយភ្ញៀវទេសចរអាចទស្សនាបានដូចជា៖ ការចូលទៅក្នុងរូងភ្នំ, ទស្សនាថ្មដុះលក្ខណៈធម្មជាតិ, ការបន់ស្រន់,​ ទស្សនាទិដ្ឋភាពនៅលើកំពូលភ្នំ និងអាចទៅហែលទឹក ដ៏ត្រជាក់នៅក្រោមភ្នំ។ នៅក្នុងដំណើរកំសាន្តនេះដែរ​​ ភ្ញៀវទេសចរជាតិ និងអន្តរជាតិ អាចធ្វើដំណើរកំសាន្តទស្សនាទេសភាពជុំវិញភ្នំ មើលរបៀបការរស់នៅអ្នកភូមិ តាមរយះការជិះរទេះសេះ ជិះម៉ូតូ រឺជិះកង់ជាដើម។

រមណីយដ្ឋាន​នេះ មានសម្បូរណ៍ទៅដោយ​ ថ្មភ្នំ,​ ​រូង​ភ្នំ ​និងមាន​ល្អាង​តូចៗ ធំ​ជាច្រើន។ នៅទីនោះ មានល្អាងមួយ មានជម្រៅ ប្រមាណ៣០ម ហើយមានពណ៍៧ ផ្សេងៗ គ្នា។ ជាពិសេសភ្នំកំពង់ត្រាច ក៏ជាតំបន់ ដ៏ទាក់ទាញផងដែរ សំរាប់ភ្ញៀវទេសចរណ៏ជាតិ និងអន្តរជាតិ។

ភ្ញៀវទេសចរ ចូលចិត្ត មកកំសាន្តនៅតំបន់នេះគឺប្រាកដជាទទួលបាននូវរីករាយជាមួយ​នឹង បរិយាកាសដ៏បរិសុទ្ធ, ទេសភាពដ៏ស្រស់ត្រកាល, ឡើងភ្នំ និងគយគន់ទេសភាពដ៏ស្រស់បំព្រង នៃភ្នំកំពង់ត្រាច។