Guidetrip.info
Lifestyle / Travel

តំបន់ទេសចរណ៍ដ៏មានសក្ដានុពលទាំង ១០ នៃប្រទេសកម្ពុជា

March 13, 2019
តំបន់ទេសចរណ៍ដ៏មានសក្ដានុពលទាំង ១០ នៃប្រទេសកម្ពុជា

បើទោះបីកម្ពុជាគឺជាប្រទេស កំពុងអភិវឌ្ឍមួយក៏ពិតមែន ប៉ុន្តែសម្រាប់វិស័យទេសចរណ៏ របស់ប្រទេសវិញ គឺមានភាពអំណោយផលយ៉ាងខ្លាំង បើសិនប្រៀបធៀបទៅនឹងប្រទេសជាច្រើនទៀតនៅក្នុងតំបន់អាស៊ីអាគ្នេយ៍។ ក្នុងចំណោមទីកន្លែងដ៏គួរឲ្យទាក់ទាញទាំងនោះ ភាគច្រើនជាទីក្រុងតូច ឬ​ ជាភូមិមួយដែលមានប្រាសាទបុរាណ, តំបន់ឆ្នេរខ្សាច់, ទឹកជ្រោះជាដើម។

តំបន់ទេសចរណ៍ដ៏មានសក្ដានុពលទាំង ១០ នោះមានដូចខាងក្រោម៖

១. ប្រាសាទអង្គរវត្ត

ប្រាសាទអង្គរវត្ត ជាប្រាសាទដ៏ល្អអស្ចារ្យ និងជាទីកន្លែង ដ៏ពេញនិយមបំផុតលំដាប់ទី១ នៅកម្ពុជាសម្រាប់ភ្ញៀវទេសចរទូទាំងពិភពលោក។ ប្រាសាទអង្គរវត្តមានទីតាំងស្ថិតនៅក្នុងខេត្តសៀមរាប ហើយប្រាសាទនេះត្រូវបានកសាងទ្បើងនៅពាក់កណ្តាលសតវត្សទី១២ ដោយព្រះបាទសូរ្យវរ្ម័នទី២ និងត្រូវបានដាក់បញ្ចូលជាតំបន់បេតកភណ្ឌពិភពលោក​ ដោយអង្គការយូឌីស្កូរនៅក្នុងឆ្នាំ១៩៩២។

២. ខេត្តកំពត

ខេត្តកំពតបានក្លាយជាទីតាំងដ៏ល្បីល្បាញយ៉ាងឆាប់រហ័សទាំងភ្ញៀវទេសចរជាតិ និងអន្តរជាតិ ហើយត្រូវបានគេចាត់ទុកថាជាខេត្តមួយក្នុងចំណោមខេត្តដែលជាប់តំបន់សមុទ្រទាំងបួនដែលមានសក្តានុពល។ វាមិនមែនជារឿងចម្លែកនោះទេដែលភ្ញៀវទេសចរជាច្រើនចូលចិត្តធ្វើដំណើរទៅកាន់ខេត្តកំពត​ ឬ​ ទៅលំហែរអារម្មណ៏នៅទីនោះ ពីព្រោះថាទីនោះមានរមណីយដ្ឋានបែបធម្មជាតិ,​ ទឹកជ្រោះ, តំបន់ភ្នំ, តំបន់សមុទ្រ, កីឡាលើទឹក និងមានចំណុចទាក់ទាញ​ដែលគួរឲ្យចាប់អារម្មណ៏ជាច្រើនទៀតសម្រាប់បំពេញចិត្តរបស់ភ្ញៀវទេសចរទាំងឡាយ។​ 

ខេត្តកំពតមានទីក្រុងមួយឈ្មោះថាក្រុងកំពតដែលស្ថិតតាមបណ្តោយព្រែក ដោយច្នៃម៉ូដឡើងតាមបែបស្ថាបត្យកម្មជនជាតិបារាំងម្នាក់។

លើសពីនេះទៅទៀត ខេត្តកំពតត្រូវបានគេស្គាល់ថាជាតំបន់កសិកម្មយ៉ាងសំខាន់ផងដែរដូចជា៖ ស្រូវ, ម្រេច, អំបិល, ដំណាំហូបផ្លែជាច្រើនមុខ និងជាពិសេសនោះគឺដំណាំធុរេនតែម្តង។

៣. រាជធានីភ្នំពេញ

ភ្នំពេញជាទីក្រុងនៃប្រទេសកម្ពុជា​ និងជាទីកន្លែងដ៏មានសក្ដានុពល​ សម្រាប់ភ្ញៀវទេសចរជាតិ និងអរន្តជាតិ ដែលរួមមានដូចជា៖ វត្តភ្នំ, ព្រះបរមរាជវាំង, សារមន្ទីរជាតិ, សួនទឹក, សួនសត្វ និងជាច្រើនទៀត។

ហើយភ្នំពេញក៏ជាទីកន្លែងប្រមូលផ្តុំនៃវត្ថុបុរាណ ឬ វត្ថុអនុស្សាវរីយ៍ធ្វើដោយដៃផងដែរ។

៤. ប្រាសាទកោះកេរ្ដិ៍ ឬ ប្រាសាទកោះកេរ

កាលពីមុនប្រាសាទកោះកេរ្ដិ៍ ជារាជធានីនៃអាណាចក្រខ្មែរបុរាណមួយ ហើយទីនោះ មានរូបចម្លាស់ដ៏ធំអស្ចារ្យមួយនៅក្នុងតំបន់ប្រាសាទ ដែលមានកម្ពស់ ៣០ម៉ែត្រ​ ព័ទ្ធជុំវិញទៅដោយព្រៃ។​

នៅ​ពេល​ដែល​ឡើង​ទៅ​ដល់​កំពូលភ្នំដើម្បីទៅទស្សនាប្រាសាទកោះកេរ្ដិ៍នោះ ​គេ​អាច​គយ​គន់​មើល​ទេសភាព​ និង​ស្រូប​យក​ខ្យល់​អាកាស​ ​ជុំ​វិញ​ទី​នោះ​ ដែល​គេ​អាច​មើល​ឃើញ​ជួរ​ភ្នំ​ដង​រែក, ​ភ្នំ​ត្បែង​មាន​ជ័យ​ ​និង​ទិដ្ឋភាព​ស្រុក​គូលែនថែម​ទៀត​ផង​។​

៥. ខេត្តសៀមរាប

សៀមរាបជាទីក្រុងដ៏រីកចម្រើនមួយរបស់ប្រទេសកម្ពុជា​ ហើយក៏ជាមជ្ឈមណ្ឌលទេសចរណ៍ដ៏សំខាន់មួយផងដែរ ព្រោះដោយសារតែខេត្តនេះគឺជាច្រកចូលទៅកាន់ ទិសដៅនៃប្រាសាទអង្គរវត្តដែលជាសម្បត្តិបេតិកភណ្ឌដ៏ល្បីល្បាញនៅលើពិភពលោក។ 

ក្រៅពីប្រាសាទអង្គរវត្តខេត្តសៀមរាបមានប្រាសាទជាច្រើនទៀតដូចជា៖ ប្រាសាទបាយ័ន, ប្រាសាទ​បាពួន, ប្រាសាទ​មេបុណ្យ​ខាងកើត, ប្រាសាទ​តាកែវ, ប្រាសាទភ្នំបាខែង, ប្រាសាទព្រះខ័ន និងមានប្រាសាទល្បីៗជាច្រើនទៀត។   

ទន្ទឹមនឹងនេះ វាក៏ជាទីកន្លែងស្នាក់នៅមួយផងដែរ ពីព្រោះខេត្តនេះក៏មានសណ្ឋាគារ និងផ្ទះសំណាក់ប្រណីតៗជាច្រើន ដើម្បីទទួលភ្ញៀវទេសចរថែមទៀតផង។

៦. ខេត្តព្រះសីហនុ

ខេត្តព្រះសីហនុគឺ​ជា​ខេត្តមួយដែល​ពោរពេញ​ទៅ​ដោយ​ទី​កម្សាន្ត​នានា​ដូច​ជា​ សមុទ្រ​, កោះ​, ទឹក​ជ្រោះ​ និងផ្សេងៗ​ជាច្រើនទៀត។ 

លើសពីនេះ ខេត្តព្រះសីហនុជាទីក្រុងកំពង់ផែដ៏ធំ និងមានឆ្នេរខ្សាច់ពណ៌ស ដ៏ស្រស់ស្អាតរបស់ប្រទេសកម្ពុជា ដែលស្ថិតនៅលើឈូងសមុទ្រនៃប្រទេសថៃ។

វាជាទីកន្លែងដ៏គួរឲ្យទាក់ទាញបំផុត សម្រាប់ភ្ញៀវទេសចរជាតិ និងអរន្តជាតិ មកលំហែអារម្មណ៏ថ្ងែចុងសប្ដាហ៏ ឬ មកហែលទឹកសមុទ្រ ឬ​ គយគន់ថ្ងៃលិចនៅឆ្នេរសមុទ្រ។

៧. ខេត្តក្រចេះ

ខេត្តក្រចេះជាទីក្រុងតូចមួយ មានទីតាំងស្ថិតនៅលើច្រាំងទន្លេមេគង្គ ដែលហ៊ុំព័ទ្ធដោយ សំណង់អគារចាស់ៗ នៅសម័យអាណានិគមរបស់បារាំង។ បើទោះបីក្រចេះ មិនមានវិស័យទេសចរណ៍ទ្រង់ទ្រាយធំក៏ពិតមែន ប៉ុន្តែវាក៏ជាទីកន្លែង ពេញនិយមមួយផងដែរ សម្រាប់ភ្ញៀវទេសចរជាតិ និងអរន្តជាតិ មកមើលសត្វផ្សោត ដ៏កម្រដែលរស់នៅក្នុង ទន្លេមេគង្គ។

៨. ខេត្តបាត់ដំបង  

ខេត្តបាត់ដំបង ជាខេត្តមួយដែលមានប្រជាជនរស់នៅច្រើនលំដាប់ទី២ នៃប្រទេសកម្ពុជា និងក៏ជាតំបន់ប្រវត្តិសាស្រ្តដ៏ពេញនិយមផងដែរ  សម្រាប់ភ្ញៀវទេសចរជាតិ និងអរន្តជាតិ។​ 

ហើយខេត្ត​បាត់ដំបង មានវិសាលភាព​ផ្ទៃដីធំ, មាន​ភោគសម្បត្តិ​ធម្មជាតិ, មាន​វប្បធម៌​ ​ឬប្រាសាទបុរាណ​ជា​ច្រើន​ដែលស្ថាបនា​នៅ​លើភ្នំ និង​មានតំបន់​លិចទឹកជាច្រើនទៀត ទាំងអស់នេះហើយដែល​ជា​សក្តានុពលទាក់ទាញភ្ញៀវទេសចរណ៍នៃខេត្តបាត់ដំបង។

៩. ស្រុកបានលុង នៃខេត្តរតនគីរី

ស្រុកបានលុងជាស្រុកមួយនៃខេត្តរតនគីរី ស្ថិតនៅភាគឦសាននៃប្រទេសកម្ពុជា ដែលមានចម្ងាយប្រហែលជា 640km ពីរាជធានីភ្នំពេញ។ 

ស្រុកបានលុងជាគោលដៅទេសចរណ៏ដ៏អស្ចារ្យ និងស្រស់ស្អាត សម្រាប់ភ្ញៀវទេសចរទាំងជាតិ និងអរន្តជាតិ ពីព្រោះនៅតំបន់នោះសម្បូរទៅដោយធនធានធម្មជាតិ ហើយភ្ញៀវទេសចរប្រាកដជារីករាយជាមួយនឹងទេសភាពធម្មជាតិដ៏សែនមនោរម្យទាំងនោះ។

១០. ខេត្តកែប

ខេត្តកែបជាខេត្តមួយនៃប្រទេសកម្ពុជាដែលជាប់ជាមួយនឹងសមុទ្រ ដែលមានទេសភាពដ៏ស្រស់ស្អាត និងមានឆ្នេរខ្សាច់ដ៏គួរឲ្យទាក់ទាញបំផុតនៅក្នុងប្រទេសកម្ពុជា។ 

ទន្ទឹមនឹងនេះ ភ្ញៀវទេសចរដែលបានមកលេងនៅទីនោះអាចរីករាយក្នុងការទស្សនានូវទិដ្ឋភាពផ្កាថ្មនៅក្នុងសមុទ្រ ឬ ទៅកាន់កោះទន្សាយដែលជាទីកន្លែងដ៏ពេញនិយមបំផុតនៃខេត្តកែប។